سرکاری ملازمین کیلئے بڑی خبر آگئی ہے۔

وزارت داخلہ نے سرکاری افسران کے بغیر وجہ دفاتر سے جلد گھر جانے اور چھٹی کرنے کی شکایات پر برہمی کا اظہار کرتے ہوئے گائیڈ لائنز جاری کر دی ہیں۔

   جاری کردہ مراسلے میں کہا گیا ہے کہ چھٹی کی درخواست ایڈوانس میں متعلقہ حکام کو جمع کرائی جائے اور دفاتر کے اوقات کار پر سختی سے عمل درآمد یقینی بنایا جائے۔

وزارت داخلہ نے کہا کہ دفاتر میں تاخیر سے آنے اور جلدی جانے کا عمل برداشت نہیں کیا جائے گا، گائیڈ لائنز پر عمل درآمد نہ ہونے کی صورت میں افسران کے خلاف ایکشن لیا جائے گا۔

اس کے علاوہ دفتری اوقات کار کے بعد بھی افسران اپنے ذاتی موبائل نمبرز پر دستیاب رہیں، سینئر افسران کی کالز نہ اٹھانے یا واپس کال نہ کرنے کی صورت میں محکمانہ کارروائی ہوگی۔