عظمیٰ بخاری کا کہنا ہے کہ وزیراعلیٰ پنجاب مریم نواز کی کارکردگی کا جادو سر چڑھ کر بول رہا ہے ، صوبے کے ضمنی انتخاب میں واضح کامیابی کا سہرا مریم نواز کے سر جاتا ہے۔

وزیراطلاعات پنجاب عظمیٰ بخاری نے میڈیا سے گفتگو کرتے ہوئے کہاکہ پنجاب کی عوام نے ایک بار پھر فیصلہ سنا دیا کہ پنجاب صرف نواز شریف کا ہے، وزیر اعلیٰ پنجاب کو عوام نے سڑکوں پر دیکھا، مریم نواز کی  ڈیڑھ یا پونے دو مہینے کی حکومت ہے۔

انہوں نے کہاکہ بزدار ماڈل نے پنجاب کو بڑ انقصان پہنچایا ہے، رونا پارٹی کے مقدر میں رونا ہی لکھا ہے، عوام نے مسلم لیگ ن کی خدمت کو دیکھ کر مینڈیٹ دیا ہے، رونا پارٹی کا فارم 45 کا بہانا کل ختم ہوگیا تو دھاندلی کا رونا شروع کردیا گیا ہے۔

 وزیر اطلاعات پنجاب  نے کہاکہ فساد پارٹی سازشیں کرنے سے بازنہیں آرہیں، شکست تسلیم کرنے کا حوصلہ ہونا چاہیے۔