شیخ رشید احمد نے کہا ہے کہ ان کا بانی پی ٹی آئی سمیت کسی پی ٹی آئی رہنما سے رابطہ نہیں ہے۔

سربراہ عوامی مسلم لیگ اور سابق وزیر داخلہ شیخ رشید نے راولپنڈی کی انسداد دہشت گردی عدالت کے باہر میڈیا سے گفتگو کرتے ہوئے کہا کہ آئین میں نائب وزیرِ اعظم کی کوئی گنجائش نہیں، نائب وزیرِ اعظم جاتی امرا کا آئین ہے۔

انہوں نے کہاکہ جن لوگوں پر الزامات ثابت نہیں ان کو جیلوں سے رہا کیا جائے، نیب گندم سکینڈل کا فوری نوٹس لے۔

شیخ رشید احمد نے مزید کہا کہ آئندہ 2 ماہ بہت اہم ہیں، اس دوران سیاست اپنا رنگ دکھائے گی جب کہ حکومت کو پالیسیوں پر نظر ثانی کرنا ہوگا ۔