کراچی: سیکیورٹی پلان برائے وفود اسلامی جمہوریہ ایران جاری کردیا گیا۔

ترجمان کراچی پولیس کے مطابق کراچی میں غیر ملکی معززین کی آمد کے موقع پر 3847 سے زائد پولیس کے افسران و جوان سیکیورٹی ڈیوٹی پر مامور ہیں۔

کراچی کے ڈسٹرکٹ ایسٹ میں 345 ویسٹ میں 164 اور ڈسٹرکٹ ساوتھ 300 سے زائد افسران و ملازمان اپنی ڈیوٹی سر انجام دے رہے ہیں جبکہ ٹریفک کے 1500 اور اسپیشل برانچ کے 300 سے زائد افسران سیکیورٹی ڈیوٹی پر تعینات کئے گئے ہیں۔

شہرِ قائد کے حساس مقامات پر سنائپرز کو بھی تعینات کیا گیا ہے۔

 کراچی پولیس نے شہرقائد کے شہریوں سے گزارش کی ہے کے کسی بھی ایمرجنسی کی صورت میں مددگار 15 یا قریبی پولیس اسٹیشن کو آگاہ کریں۔

کراچی پولیس اپنے فرائض کی انجام دہی کیلئے ہر ممکن اقدامات کرنے کے لئے کوشاں ہے۔