رہنما پی ٹی آئی بیرسٹر گوہر کا کہنا ہے کہ لوگوں کے پاس حق ہے وہ جہاں چاہے پراپرٹی خریدیں، یہ کوئی جرم نہیں، البتہ جرم پراپرٹی چھپانا ہے۔

رہنما پی ٹی آئی بیرسٹر گوہر نے میڈیا سے گفتگو کرتے ہوئے کہاکہ بیرون ملک پراپرٹی خریدنے کی قانون میں ممانعت نہیں ہے، پراپرٹی خرید کر ڈکلئیر نہ کرنے پر کاروائی ہو سکتی ہے۔

انہوں نے کہاکہ پاکستان رول آف لاء سیاسی استحکام کا ماحول پیدا کرے تو یہ انویسٹمنٹ ملک میں ہو سکتی ہے، پاکستانی اپنے ملک میں سرمایہ کاری کرنا چاہتے ہیں لیکن یہاں وہ ماحول ہی نہیں ہے، بھارت میں وہاں کے شہری اپنے ملک میں زیادہ سرمایہ کاری کر رہے ہیں، یہاں کاروبار میں آسانی، زمینوں پر قبضے اور سرکاری ادارے ہراساں نہ کریں تو انویسٹننٹ آ سکتی ہے۔

پی ٹی آئی کے رہنما شبلی فراز نے کہاکہ ملک اشرافیہ کے حوالے کر دیا گیا، بانی پی ٹی آئی نے کہا تھا کہ11 ارب ڈالر ملک سے گئے، چوری کا پیسہ ملک سے باہر بھیجاگیا۔

پی ٹی آئی رہنما علی محمد خان نے کہا سیاستدان بتائیں کہ اتنا پیسا انہوں نے بنایاکیسے؟سرکاری عہدیدار ، ججز ، پولیس افسران بتائیں کہ اثاثے کہاں سے آئے؟۔