وزیر اطلاعات عطاتارڑ نے فلم و کلچرل تقریب سےخطاب کرتے ہوئے کہا کہ میرا مشن ہے کہ اپنے کلچر کو ہر مقام پر فروغ دوں۔

عطاتارڑ کا کہنا ہے کہ اس تقریب میں شرکت میرے لیے اعزاز کی بات ہے اور پاکستان اور قازقستان کے درمیان تاریخی روابط ہیں۔

وزیر اطلاعات نے اس عزم کا بھی اعادہ کیا کہ ہم قازقستان کے ساتھ تعلقات کو مزید مضبوط بنارہے ہیں جبکہ فلم کے فروغ کے لیے نجی شعبے کی حوصلہ افزائی کی جائے گی۔

عطاتارڑ کا یہ بھی کہنا ہے کہ ایک دوسرے کی ثقافت کو سمجھنا بہت ضروری ہے دوسری جانب  ثقافت، فلم سمیت ہر شعبے میں تعاون بڑھانا ہمارا نصب العین ہے۔

وزیر اطلاعات نے مزید یہ بھی کہا کہ ہالی وڈ کی ٹیم بھی پاکستان میں فلم بنانے آچکی ہے، اور تاریخ پر مبنی فلم سے لوگوں کو ثقافت سے متعلق معلومات مہیاہوں گی۔