پیپلز بس سروس میں سفر کرنے والوں کیلئے بڑی خوشخبری آگئی ہے۔

پیپلز بس سروس کے آٹومیٹڈفیئر کلکشن سسٹم کی افتتاحی تقریب کا انعقاد کیا گیا جس میں وزیراعلیٰ سندھ مراد علی شاہ نے بطورمہمان خصوصی شرکت کی، وزیر ٹرانسپورٹ شرجیل میمن اور دیگر بھی تقریب میں شریک ہوئے۔

وزیراعلیٰ سندھ نے پیپلزبس سروس کے اے ایف سی سسٹم کا افتتاح کیا، تاہم اب مسافر اسمارٹ کارڈ کے ذریعے کرایہ ادا کرسکیں گے۔

اس موقع پر وزیراعلیٰ سندھ کو بریفنگ میں بتایا گیا کہ سندھ انٹرا ڈسٹرکٹ بس سروس کا آغاز 2021 میں کیا گیا، کیش ادائیگی کی جگہ اسمارٹ کارڈ کے ذریعے وصولی کی جائے گی۔

بریفنگ میں کہنا تھا کہ افتتاحی طور پر بسز کو 2 رو ٹس پر چلایا جائے گا، ایک روٹ ون اور دوسرا روٹ 9 ہوگا، پہلا روٹ ماڈل کالونی ملیر تا ٹاور ہوگا، روٹ 9 گلشن حدید تا ٹاور تک چلایا جائے گا، دیگر روٹس کا تعین 90 دن کے اندر کیا جائے گا۔