پی ٹی آئی کے رہنما بیرسٹر گوہر خان نے کہاکہ آزاد کشمیر کی کشیدہ صورتحال پر تشویش ہے ۔

اڈیالہ جیل کے باہر میدیا سے گفتگو کرتے ہوئے  بیرسٹر گوہر نے کہاکہ آزاد کشمیر کے معاملے کو تحمل سے دیکھاجائے،  بانی پی ٹی آئی نے کہاکہ آزاد کشمیرکا معاملہ بہت سنجنیدہ ہے۔

انہوں نے کہاکہ اڈیالہ جیل میں بانی پی ٹی آئی سے ملاقات ہوئی ہے، القادر یونیورسٹی ٹرسٹ کیس پر بانی پی ٹی آئی سے گفتگو ہوئی، 190 ملین پونڈ کیس میں ٹرانزکشن سے ملک کو نقصان نہیں ہوا، یہ ایساکیس ہے جس میں ٹرسٹی کوکچھ لینا دینا نہیں۔

بیرسٹرگوہر نے کہاکہ کل عدت میں نکاح کیس کی سماعت ہے، پراسیکیوشن کی جانب سے تاخیری حربے استعمال کیے جاتے ہیں، بارہا عدلیہ کو کہتے ہیں آپ پر اعتماد ہے، آپ کا احترام کرتے ہیں،  درخواست ہے التوا کے بجائے کیسز کو حل کیا جائے، بانی پی ٹی آئی کی درخواست ہے کہ کل ہی فیصلہ کردیں، نیب نے اس وقت صرف بانی پی ٹی آئی کو ہدف بنایا ہوا ہے۔

 رہنما پی ٹی آئی نے کہاکہ آئی ایم ایف نے ملکی معیشت پر تشویش کا اظہارکیا، تمام کوششوں  کے باوجود معیشت بہترنہیں ہورہی۔