وزیراعظم شہباز شریف نے کہا ہے کہ سعودی وفد نے پاکستان کی مہمان نوازی کا کھلے دل سے اعتراف کیا۔

وفاقی کابینہ کے اجلاس میں گفتگو کرتے ہوئے وزیراعظم شہبازشریف نے کہاکہ سعودی عرب کے وفد نے حال ہی میں پاکستان کا دورہ کیا، سعودی وفد کے دورہ پاکستان کو کامیاب بنانے میں تمام متعلقہ وزراء اور حکام کو مبارکباد پیش کرتا ہوں۔

انہوں نے کہاکہ سعودی وفد کے کامیاب دورے سے خوشی محسوس ہوئی، سعودی مہمان آئے ہوئے تھے انہوں نے تمام وزرا کی تعریفیں کیں، سعودی وفد کا کہنا تھا بہت خوشگوار ماحول میں بات چیت ہوئی۔

شہباز شریف نے کہاکہ سعودی وفد نے بتایا کہ ہم خوشی کے ساتھ واپس جا رہے ہیں، جا کر بتائیں گے پاکستان میں ایک نیا دور دیکھا ہے۔