کے الیکٹرک کا کہنا ہے کہ کراچی میں میٹرک کے امتحانات کے دوران امتحانی مراکز کو لوڈ شیڈنگ سے مستثنی رکھا ہے۔

ترجمان کے الیکٹرک کے مطابق ایجوکیشن ڈیپارٹمنٹ کی جانب سے امتحانی مراکزکی فہرست موصول ہوچکی ہے،امتحانی مراکز پر لوڈشیڈنگ کے حوالے سے کوئی شکایت موصول نہیں ہوئی، اس سلسلے میں محکمہ تعلیم سےمسلسل رابطےمیں ہیں۔

ترجمان  کا کہنا ہے کہ کے الیکٹرک بطور ذمہ دار سماجی ادارہ امتحانات کے انعقاد کے حوالے سے ہر ممکن تعاون فراہم کر رہا ہے۔

واضح رہےکہ گزشتہ ہفتے امتحانی مراکز پر لوڈشیڈنگ کی شکایات سامنے آئی تھیں۔

ملیر کے سرکاری اسکول میں قائم امتحانی مرکز میں ہونے والی لوڈشیڈنگ سے چار طالبات کی حالت بگڑ گئی تھی۔