وزیر اعظم شہباز شریف نے کہا کہ پاکستان دنیا میں قیام امن اور انصاف کے لئے پر عزم ہے۔

وزیراعظم نے اپنے ایک ٹوئٹ میں کہا کہ آج پاکستان عالمی برادری کے ہمراہ اقوام متحدہ کے امن مشنز کا عالمی دن منا رہا ہے جبکہ یو این امن مشن جنگ کے شکار خطوں میں شہریوں کے تحفظ میں کلیدی کردار ادا کرتے ہیں۔

شہباز شریف نے پاکستانی امن مشنز کا خصوصی شکریہ ادا کیا جنہوں نے دنیاکے امن میں اپنا کردار ادا کیا اور یو این امن مشن کا حصہ بن کر 64 برس سے 2 لاکھ 30 ہزار مرد و خواتین فوجیوں نے پاکستان کا نام بلند کیا۔

وزیر اعظم نے اپنے پیغام میں یہ بھی کہا ان 2 لاکھ 30 ہزار پیس کیپرز میں سے 181 شہید بھی ہوئے اور ان شہداء کی بے لوث اور جرات مند قربانیاں ہمارے دلوں میں ہمیشہ زندہ رہیں گی۔

شہباز شریف نے مزید یہ بھی کہا کہ ہم ایسا مستقبل بنانے کے عزم کا اعادہ کرتے ہیں جہاں امن اور انسانیت کا بول بالا ہو گا۔