’’راناثنااللہ، اسحاق ڈارکی کابینہ میں شمولیت سے ن لیگ کی تقسیم کی افواہیں دم توڑگئیں‘‘
وفاقی وزیر احسن اقبال کا کہنا ہے کہ راناثنااللہ اوراسحاق ڈارکی کابینہ میں شمولیت سے ن لیگ کی تقسیم کی افواہیں دم توڑگئیں۔
شکرگڑھ میں تقریب سے خطاب میں وفاقی وزیرمنصوبہ بندی احسن اقبال نے کہا کہ نگراں وزیراعظم کے بیان کی کوئی اہمیت نہیں، نگراں حکومت کاکام الیکشن کروانا تھا جسے اچھے طریقے سے کیا، 8 فروری کے الیکشن کوتمام جماعتوں نے تسلیم کرلیا۔
احسن اقبال نے کہا کہ منتخب اسمبلیوں نےحلف اٹھالیا، اسپیکر، ڈپٹی اسپیکرتک کے حلف ہو گئے، جس جماعت کاجہاں مینڈیٹ تھا وہاں حکومت بنا لی، پنجاب میں ن،لیگ ، سندھ میں پی پی نےحکومت بنالی، اب کسی کوایسامعاملہ اٹھانے کی ضرورت نہیں،
انھوں نے کہا کہ ایسے معاملات اٹھانے سے ملک میں بدامنی اورانتشارپیداہوگا، ہمیں چاہیے2029تک اپنےاپنے مینڈیٹ کے مطابق چلیں، معاشی چیلنجزسے نمٹنے کےلیے سیاسی استحکام اورپالیسیوں کےتسلسل کی ضرورت ہے، راناثنااللہ، اسحاق ڈارکی کابینہ میں شمولیت سے ن لیگ کی تقسیم کی افواہیں دم توڑگئیں۔
احسن اقبال نے کہا کہ وزیراعظم کے معاشی بحالی کے فیصلوں کے پیچھے پوری ن لیگ کھڑی ہے، گندم بحران کی صورتحال ہمیں ورثے میں ملی ہے، جب فصل مارکیٹ میں آئی تواسی وقت کراچی میں جہازلنگراندازہوگئے، گندم کے معاملے پروزیراعظم نے انکوائری کمیٹی بنادی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News