وفاقی وزیر منصوبہ بندی احسن اقبال نے کہا ہے کہ پاکستان میں کام کرنے والے چینی شہریوں کا تحفظ یقینی بنایا جارہا ہے۔

وزیر منصوبہ بندی احسن اقبال کی نیشنل انرجی ایڈمنسٹریشن چین کے چیئرمین سے ملاقات ہوئی جس میں ملک میں بجلی کی پیداوار کے لیے انرجی مکس کو متنوع بنانے پر تبادلہ خیال کیا گیا۔

ملاقات میں احسن اقبال نے گفتگو کرتے ہوئے کہا کہ گرین کوریڈور سی پیک کے دوسرے مرحلے کا اہم ستون ہے، وزیراعظم شہباز شریف کی حکومت کا وژن سی پیک منصوبے کی تیز رفتار کو بحال کرنا ہے۔

انہوں نے کہا کہ سی پیک فیز I میں توانائی کے منصوبوں نے پاکستان میں بجلی کی بندش پر قابو پانے میں اہم کردار ادا کیا، حکومت توانائی کے شعبے میں اصلاحات لانے کا ارادہ رکھتی ہے۔

وزیر منصوبہ بندی احسن اقبال نے مزید کہا کہ پاکستان میں کام کرنے والے چینی شہریوں کا تحفظ یقینی بنایا جا رہا ہے۔

ملاقات کے دوران احسن اقبال نے آزاد پتن اور کوہالہ ہائیڈرو پاور پراجیکٹس کے جلد نفاذ کے لیے چین سے تعاون مانگ لیا۔