63 پروازوں کے ذریعے 15 ہزار 819 عازمینِ حج مدینہ منورہ پہنچ گئے۔ 

ترجمان مذہبی امور کے مطابق آج 12 حج پروازوں سے مزید 2736 عازمینِ کرام مدینہ منورہ پہنچیں گے۔

ترجمان کے مطابق عازمینِ کرام کو دس حاجی کیمپوں سے حفاظتی ویکسین لگانے کا عمل آخری حج پرواز تک جاری رہے گا۔

عازمینِ حج کی سہولت و رہنمائی کے لئے مکہ اور مدینہ منورہ میں کنٹرول روم 24 گھنٹے کام کر رہا ہے، دفتر امور حجاج کے تحت 119 معاونین اور 66 ڈاکٹر اور طبی عملہ خدمات کی فراہمی دے رہا ہے۔

مدینہ منورہ میں 2 ڈسپنسریاں اور ایک مرکزی ہسپتال 24 گھنٹے کام کر رہا ہے۔

ترجمان مذہبی امور کے مطابق پاک حج موبائل ایپ کے ذریعے موصول 195 شکایات کا ازالہ کیا گیا، گزشتہ سات دنوں کے دوران راستہ بھولنے والے 25 عازمینِ کرام کی رہنمائی کی گئی، شعبہ گمشدگی و بازیابی نے 111 بیگز اور 7 وہیل چیئرز کو تلاش کر کے مالکان کے حوالے کیا۔

خصوصی اجازت ناموں کے ذریعے 6 ہزار سے زائد پاکستانی عازمینِ حج نے ریاض الجنہ میں نوافل ادا کیے۔

ترجمان مذہبی امور کے مطابق امسال تمام پاکستانی عازمینِ حج کو مسجد نبوی ﷺ سے قریب ترین رہائش فراہم کی جا رہی ہے، مدینہ منورہ میں 7 کیٹرنگ کمپنیوں کے ذریعے عازمینِ حج کو تین وقت کھانے کی فراہمی جاری ہے۔