صدر مملکت آصف زرداری نے کہا ہے کہ قربانی کو سمجھ کر عملی زندگی میں قربانی کا مظاہرہ کرنا چاہیے۔

صدر مملکت آصف زرداری نے عید الاضحیٰ کے موقع پر قوم کے نام پیغام جاری کیا جس میں انہوں نے کہا کہ عیدالاضحیٰ کے موقع پر عالم اسلام کو مبارکباد پیش کرتا ہوں۔

ان کا کہنا تھا کہ اللہ نے قربانی کے عمل کو امتِ محمدیہﷺ پر لازم قرار دیا ہے، نبی کریمﷺ نے فرمایا کہ اللہ کے نزدیک عظیم دن قربانی کا ہے۔

انہوں نے کہا کہ آزمائش اور امتحان کی صورتحال میں ثابت قدم رہنا چاہیے، اللہ کی اطاعت اور فرمانبرداری ہی کامیابی کی کنجی ہے، پوری قوم اخوت، ایثار سے سرشار ہو کر ضرورت مندوں کی مدد کرے۔

صدر مملکت کا کہنا تھا کہ قربانی کو سمجھ کر عملی زندگی میں قربانی کا مظاہرہ کرنا چاہیے، استطاعت نہ رکھنے والے لوگوں کو عید کی خوشیوں میں شامل کریں، دعاگو ہوں کہ یہ بابرکت موقع عالم اسلام کیلئے رحمتیں اور خوشیاں لائے۔