یوٹیلیٹی اسٹورزمیں اشیاء عام مارکیٹ سے مہنگی فروخت ہونے کا انکشاف ہوا ہے۔

ادارہ شماریات کے مطابق یوٹیلیٹی اسٹورز پر آٹا، چینی، دالیں اور چاول عام مارکیٹ سے مہنگی فروخت ہونے لگے ہیں جبکہ یوٹیلیٹی اسٹورز پر آٹے کا 20 کلو کا تھیلا عام مارکیٹ سے 958روپے 1 پیسے مہنگا فروخت ہورہا ہے۔

ادارہ شماریات کی جانب سے جاری کردہ دستاویز کے مطابق یوٹیلیٹی اسٹورز پر چینی عام مارکیٹ سے فی کلو 11 روپے 62 پیسے مہنگی فورخت ہورہی ہے اس کے علاوہ یوٹیلیٹی اسٹورز پر ٹوٹا باسمتی چاول عام مارکیٹ سے فی کلو 19 روپے 86 پیسے مہنگے فروخت ہونے لگا ہے۔

ادارہ شماریات کے مطابق یوٹیلیٹی اسٹورز پر دال مسور فی کلو عام مارکیٹ سے 11 روپے 1 پیسے مہنگی فروخت ہورہی ہے اس کے علاوہ سیلا چاول عام مارکیٹ سے فی کلو 44 روپے 64 پیسے جبکہ سپر باسمتی چاول بھی عام مارکیٹ سے 23 روپے 5 پیسے مہنگے دستیاب ہیں۔