وزیراعلیٰ بلوچستان نے سوئی میں غیر معمولی بارشوں کے باعث جانی و مالی نقصانات پر اظہار افسوس کرتے ہوئے کہا کہ مشکل گھڑی میں متاثرین خود کو تنہا نہ سمجھیں۔   

 وزیر اعلیٰ بلوچستان میرسرفراز بگٹی نے کہا کہ متاثرین کو ریلیف کی فراہمی کے لئے ہنگامی بنیادوں پرکارروائیاں شروع کردی گئیں ہیں، جبکہ تمام ترصورتحال کا ذاتی طور پرجائزہ لے رہا ہوں۔

میرسرفراز بگٹی نے کہا کہ بارش کے دوران مختلف واقعات میں زخمی ہونے والے افراد کو بہتر طبی سہولیات فراہم کی جا رہی ہیں، اس کے علاوہ شدید زخمیوں کو رحیم یار خان اسپتال ریفر کردیا گیا ہے۔

 وزیر اعلیٰ بلوچستان نے یہ بھی کہا کہ  ڈپٹی کمشنر کی نگرانی میں لیویز، پولیس اور پی ڈی ایم اے کے اہلکار ریسکیو کارروائیوں میں مصروف عمل ہیں، جبکہ اسپتالوں میں ایمرجنسی نافذ کر کے ڈاکٹرز اور طبی عملے کو طلب کرلیا گیا ہے، اس کے علاوہ میرسرفراز بگٹی نے کہا کہ  تمام زخمیوں کی بہتر دیکھ بھال کی جارہی ہے۔