گرمی کی شدت میں کمی کے باوجود ملک بھر میں بجلی کے شارٹ فال میں مزید اضافہ ہوگیا ہے جو کہ اب 5 ہزار 688 میگاواٹ تک پہنچ گیا ہے۔

ذرائع کے مطابق ملک میں آج بجلی کی طلب 25 ہزار میگاواٹ ہے جبکہ بجلی کی کل پیداوار 19 ہزار 312 میگاواٹ ہے۔

پن بجلی ذرائع سے 6 ہزار780 میگاواٹ بجلی پیدا ہورہی ہے جبکہ سرکاری تھرمل پاور پلانٹس 875 میگاواٹ بجلی پیدا کررہے ہیں۔

نجی شعبے کے بجلی گھروں کی پیداوار 7 ہزار223  میگاواٹ ہے جبکہ ونڈ پاور پلانٹس سے 1 ہزار میگاواٹ بجلی پیدا ہورہی ہے۔

ذرائع کے مطابق سولر پاور پلانٹس سے 192، بگاس سے 142 میگاواٹ بجلی پیدا ہو رہی ہے جبکہ نیوکلئیر پاور پلانٹس سے 3 ہزار 100 میگاواٹ بجلی پیدا ہورہی ہے۔

ذرائع کے مطابق ملک بھر کے شہری علاقوں میں 6 گھنٹے تک بجلی کی لوڈ شیڈنگ جارہی ہے اس کے علاوہ دیہی علاقوں میں لوڈشیڈنگ کا دورانیہ 8 گھنٹوں تک ہے جبکہ لائن لاسز والے علاقوں میں 12 سے 14 گھنٹے کی لوڈ شیڈنگ کی جارہی ہے۔