پی آئی اے کے قبل از حج آپریشن کا پہلا مرحلہ کامیابی سے مکمل ہو گیا ہے۔

ترجمان پی آئی اے کے مطابق گزشتہ شب کراچی تا جدہ آپریٹ ہونے والی پی آئی اے کی آخری پرواز کے ساتھ ہی قبل از حج آپریشن مکمل ہوگیا ہے، جبکہ کل 171 پروازوں کے ذریعے 35030 عازمین حج حجاز مقدس روانہ ہوئے ہیں۔

ترجمان نے بتایا کہ ان پروازوں کے ذریعے سے تقریبا 19500، سرکاری عازمین حج 14900،  پرائیوٹ عازمین حج اور 630، خدام الحجاج مدینہ منورہ اور جدہ روانہ ہوئے ہی، واضح رہے کہ پی آئی اے کے قبل از حج آپریشن کا آغاز 9 مئی سے ہوا تھا جو 11 جون تک جاری رہا ۔

ترجمان کے مطابق قبل از حج پروازیں کراچی، اسلام آباد، لاہور ملتان، سیالکوٹ اور پشاور سے براہ راست روانہ ہوئیں، جبکہ سکھر اور کوئٹہ سے عازمین حج نے براستہ کراچی، جدہ کا سفر کیا۔

171 ترجمان نے بتایا گیا کہ پروازوں میں سے 126 پروازیں وقت سے کچھ دیر پہلے ہی روانہ ہوئیں جبکہ قبل از حج آپریشن میں 45 پروازیں موسم کی خرابی اور آپریشنل وجوہات کی بنا پر تاخیر کا شکار ہوئیں۔

ترجمان پی آئی اے کے مطابق قبل از حج آپریشن کامیابی سے مکمل کرنے پر چیف ایگزیکٹو آفیسر پی آئی اے نے متعلقہ ٹیموں کو شاباش دی، اس کے علاوہ پی آئی اے کے بعد از حج آپریشن کا آغاز  20 جون سے ہوگا جو  21 جولائی تک جاری رہے گا۔