ترجمان وزارت مذہبی امور کے مطابق رواں برس ایک لاکھ 60 ہزار پاکستانی عازمین حج کی سعادت حاصل کریں گے۔

مذہبی امور کے ترجمان کا کہنا رواں برس پاکستان حج مشن سرکاری اسکیم کے تحت 70 ہزار عازمین کی میزبانی کرے گا، جبکہ نجی حج کمپنیوں کے ذریعے 90 ہزار کے قریب پاکستانی حج کی سعادت حاصل کریں گے۔

سرکاری حج اسکیم کے تحت 214 پروازوں کے ذریعے 55 ہزار 284 عازمین کرام مکہ مکرمہ پہنچ گئے ہیں جبکہ پرائیویٹ حج اسکیم کے تحت 30 ہزار سے زائد عازمین سعودی عرب میں موجود ہیں۔

ترجمان مذہبی امور کا کہنا ہے کہ حج فلائٹ آپریشن 9 جون تک جاری رہے گا۔