اسلام آباد: وفاق اور صوبوں کے ترقیاتی بجٹ کی مکمل تفصیلات سامنے آگئیں۔

دستاویزات کے مطابق اگلے مالی سال وفاق اور صوبے مل کر ترقیاتی منصوبوں پر 3792 ارب روپے خرچ کریں گے جبکہ رواں مالی سال کے مقابلے مجموعی قومی ترقیاتی بجٹ میں 1012 ارب روپے کا اضافہ ہوا۔

دستاویزات میں بتایا گیا ہے کہ وفاقی پی ایس ڈی پی میں 550 ارب اضافے کے ساتھ ایک ہزار 500 ارب روپے مقرر کیے گئے ہیں جبکہ چاروں صوبوں کا سالانہ ترقیاتی پلان 462 ارب روپے اضافے سے 2095 ارب روپے ہو گیا۔

دستاویزات کے مطابق صوبہ سندھ ترقیاتی منصوبوں پر سب سے زیادہ 764 ارب روپے خرچ کرے گا اور صوبہ پنجاب نے 700 ارب روپے کا ترقیاتی بجٹ مقرر کر دیا جبکہ خیبرپختوانخوا نے 351 ارب اور بلوچستان نے 281 ارب روپے ترقیاتی بجٹ مختص کردیا۔