گرمی کی شدت کے ساتھ ہی بجلی کے شارٹ فال میں بھی اضافہ ہوگیا ہے جوکہ اب 5 ہزار233 میگاواٹ تک پہنچ گیا ہے۔

ذرائع کے مطابق ملک میں آج بجلی کی طلب 26 ہزار میگاواٹ ہے جبکہ بجلی کی پیداوار 20 ہزار 767 میگاواٹ ہے۔

پن بجلی ذرائع سے 7 ہزار600 میگاواٹ بجلی پیدا ہورہی ہے جبکہ سرکاری تھرمل پاور پلانٹس 760 میگاواٹ بجلی پیدا کررہے ہیں۔

 نجی شعبے کے بجلی گھروں کی پیداوار 8 ہزار  میگاواٹ جبکہ  ونڈ پاور پلانٹس سے 990 میگاواٹ بجلی پیدا ہورہی ہے۔

ذرائع کے مطابق سولر پاور پلانٹس سے 185، بگاس سے 132 میگاواٹ بجلی پیدا ہورہی ہے، جبکہ نیوکلئیر پاور پلانٹس سے 3 ہزار 100 میگاواٹ بجلی پیدا ہورہی ہے۔

ذرائع کے مطابق ملک کے شہری علاقوں میں 6 گھنٹے تک بجلی کی لوڈ شیڈنگ کی جارہی ہے اس کے علاوہ دیہی علاقوں میں لوڈ شیڈنگ کا دورانیہ 8 سے 10 گھنٹے تک ہے، جبکہ لائن لاسز والے علاقوں میں 12 سے 14 گھنٹے کی لوڈ شیڈنگ کی جارہی ہے۔