سینئر صوبائی وزیر مریم اورنگزیب نے کہا کہ کسانوں کوخوشحال بنانا پنجاب حکومت کی ترجیح ہے۔

سینئر صوبائی وزیر مریم اورنگزیب نے پوسٹ بجٹ نیوز کانفرنس کے دوران کہا کہ زراعت کےشعبے میں ہنگامی اقدامات کیےگئے ہیں، اس کے علاوہ پنجاب میں بلاتفریق سالڈویسٹ مینجمنٹ کامنصوبہ بنایا جارہا ہے۔

مریم اورنگزیب نے کہا کہ کسان لون کارڈ اسکیم شروع کی جارہی ہے، جبکہ بجٹ میں صحت اور تعلیم کو ترجیح دی گئی ہے۔

سینئر صوبائی وزیرنے یہ بھی کہا کہ 6 ہزار لوگوں نے کلینک آن ویلز سے علاج کرایا ہے، جبکہ کلینک آن ویلز کادائرہ کاربڑھایا جارہا ہے۔

انہوں نے نیوز کانفرنس کے دوران کہا کہ ہم نےکوئی پرانے منصوبوں کی تختیاں اتارکر اپنی نہیں لگائیں ہیں بلکہ ہم نے نئے منصوبے شروع کیے ہیں جبکہ پنجاب حکومت نے تاریخی بجٹ پیش کیا ہے۔

مریم اورنگزیب نے یہ بھی کہا کہ بجٹ کی صورت میں ایک پالیسی اسٹیٹمنٹ دی گئی ہے، جبکہ مشکل فیصلے لے کر عوام اور معیشت کواستحکام دینا ہے۔

مریم اورنگزیب نے کہا کہ تعلیم میں پہلی بار ٹیچرٹریننگ کا آغاز کیا گیا ہے، جبکہ تعلیم کےشعبے کابجٹ بڑھاکر670 بلین کیاگیا ہے۔

انہوں نے یہ بھی کہا کہ جبکہ تمام بیسک ہیلتھ یونٹ کی مکمل ری ویمپنگ کے علاوہ نوازشریف کینسراسپتال و دیگرشہروں میں بڑے اسپتال بھی بجٹ میں شامل ہیں۔

مریم اورنگزیب کا مزید یہ بھی کہا کہ یہ ایک کیش بیک بجٹ ہے، جبکہ وزیراعلیٰ پنجاب مریم نواز دن رات کام کرہی ہیں۔