وزیراعظم محمد شہباز شریف نے مولانا فضل الرحمان سے ان کی رہائش گاہ پر ملاقات کی جس میں انہوں نے سیاسی مسائل کے باہمی تعاون سے حل  کے لیے کمیٹی تشکیل دینے کی تجویز پیش کی ہے۔

ذرائع کے مطابق وزیراعظم شہباز شریف نے مولانا فضل الرحمان سے ان کی رہائش گاہ پر ملاقات کی جس پر مولانا فضل الرحمان نے وزیراعظم کی آمد کا خیر مقدم کیا۔

وزیراعظم نے مولانا فضل الرحمان کی خیریت دریافت کی اور کہا کہ مولانا فضل الرحمان نے ہمیشہ جمہوری اقدار کی حفاظت کے لیے پر امن جد وجہد کو فروغ دیا ہے۔

وزیراعظم شہباز شریف نے مولانا فضل الرحمان کی دینی خدمات کی بھی تعریف کی اور  سیاسی مسائل کے باہمی تعاون سے حل کے لیے کمیٹی تشکیل دینے کی تجویز پیش کی۔

ذرائع کے مطابق ملاقات میں بجث 2024ء کے حوالے سے بھی میاں شہباز شریف نے مولانا سے حمایت طلب کی۔

 ذرائع نے بتایا کہ مولانا فضل الرحمن نے میاں شہباز شریف کو فروری الیکشن کے نتائج کے بارے تحفظات سے ایک مرتبہ پھر آگاہ کیا۔

مولانا فضل الرحمان نے کہا کہ ہم ملک میں جمہوریت، شفاف انتخابات اور آئین کی بالادستی کے لیے جدوجہد کررہے ہیں اور ہم چاہتے تھے کہ تمام جمہوری قوتیں جمہوریت کی مضبوطی کے لیے مل کر اپنا کردار ادا کریں۔

میاں شہباز شریف مونالا سے گفتگو کے دوران کہا کہ جمہوریت کے لیے آپ کی خدمات کے متعرف ہیں۔

واضح رہے کہ اس ملاقات میں مولانا عطاء الرحمان، مولانا عبد الواسع و دیگر بھی شریک تھے۔