وزیر اعلیٰ بلوچستان سرفراز بگٹی نے کہا کہ نوجوانوں کو تعلیم، روزگار اور ترقی کے مواقع فراہم کرنا ضروری ہیں۔

وزیر اعلیٰ بلوچستان سرفراز بگٹی کی زیر صدارت یوتھ پالیسی 2024 کی تشکیل سے متعلق جائزہ اجلاس ہوا جس میں انہوں نے کہا کہ بلوچستان یوتھ پالیسی نوجوانوں کی ضروریات سے ہم آہنگ ہوگی۔

سرفراز بگٹی نے یہ بھی کہا کہ منفی پروپیگنڈوں کے ذریعے نوجوانوں اور ریاست میں دوریاں پیدا کی گئی ہیں، جبکہ صحت مندانہ سرگرمیوں سے نوجوانوں کو ریاست مخالف سرگرمیوں سے دور رکھنا ضروری ہے۔

وزیر اعلٰی نے اجلاس میں نوجوانوں کو صحت مندانہ سرگرمیوں میں مصروف رکھنے کے لئے پورے سال کا کلینڈر مرتب کرنے کی ہدایت کی ہے، اس کے علاوہ سراج خان رئیسانی فٹبال ٹورنامنٹ اور شہید پروفیسر فضل باری کرکٹ ٹورنامنٹ کرانے کا اعلان بھی کیا۔

وزیر اعلٰی بلوچستان میر سرفراز بگٹی نے کہا کہ شہداء کو نہیں بھولیں، وہ رہتی دنیا تک یاد رہیں گے۔