سینئر مرکزی رہنماء متحدہ قومی موومنٹ پاکستان و رکن قومی اسمبلی ڈاکٹر فاروق ستار دو روزہ دورے پر عمان مسقط پہنچ گئے ہیں۔

تفصیلات کے مطابق ڈاکٹر فاروق ستار نے عمان مسقط میں موجود پاکستانی سفارت خانے کا تفصیلی دورہ کیا، پاکستانی سفارت خانے کے عملے نے اُن کو خوش آمدید کہا۔

فاروق ستار نے پاکستانی سفارت خانے کے مختلف ڈیپارٹمنٹس کے افسران سے ملاقاتیں کیں اور سفارتی امور کا جائزہ لیا۔

انہوں نے سفارت خانے میں موجود اوورسیز پاکستانیوں سے بھی گفتگو کی اور مسائل سن کر انہیں وزیر اعظم پاکستان تک پہنچانے کی ذمہ داری لی۔

فاروق ستار نے کہا کہ اوورسیز پاکستانی ملک کا قیمتی سرمایہ ہیں، اوورسیز پاکستانیوں کی وطنِ عزیز کے لئے کی جانے والی کاوشیں نمایاں ہیں۔

فاروق ستار کے ہمراہ ایم کیو ایم پاکستان عمان چیپٹر کے ذمہ داران بھی موجود تھے۔