وزیر خزانہ محمد اورنگزیب کی کراچی چیمبر میں کراچی کے تاجروں سے ملاقات شروع ہوگئی ہے۔

وفاقی وزیر خزانہ محمد اورنگزیب کے کراچی چیمبر کے دورے کے موقع پر چئیرمین بی ایم جی زبیر موتی والا ،کراچی چیمبر کے صدر افتخار شیخ بزنس کمیونیٹی کی بڑی تعداد چیمبر میں موجود ہے، دوسری جانب وزریر خزانہ کے ہمراہ وفاقی وزیر میری ٹائم قیصر احمد شیخ بھی موجود ہیں۔

وفاقی وزیر خزانہ کے ساتھ کراچی کے تاجروں کا بند کمرے کا اجلاس شروع ہوگیا ہے، جس میں کراچی کے تاجر بجٹ پر اپنے تحفظات سے وزیر خزانہ کو اگاہ کر رہے ہیں۔

اجلاس کے شرکا نے وزیر خزانہ سے سوال کیا کہ اتنی مہنگی بجلی پر صنعتکار کیسے ایکسپورٹ بڑھا سکتے ہیں۔ ریجن میں سب سے مہنگی بجلی پاکستان میں ہے، اتنی مہنگی بجلی ہونے سے پہلے ہی کارخانے بند ہورہے ہیں۔