ڈرائیونگ لائسنس بنوانے والوں کے لیے حکومت نے شاندار اقدام اٹھا لیا ہے۔

ذرائع کے مطابق سی ٹی او عمارہ اطہر کا کہنا ہے کہ شہری گھر بیٹھے اپنا فریش لرنر پرمٹ، رینول لرنر پرمٹ حاصل کریں۔

انہوں نے کہا کہ شہری گھر بیٹھے گمشدہ لائسنس اور لائسنس کی تجدید کروا سکتے ہیں، شہری اپنے انٹرنیشنل لائسنس کی تجدید بھی گھر بیٹھے کروا سکتے ہیں۔

شہری پنجاب پولیس ایپ کے ذریعے بھی اب لرنر لائسنس بنوا سکیں گے، پنجاب بھر کے 737 پولیس اسٹیشنز، فرنٹ ڈیسک، پیٹرولنگ پوسٹوں پر بھی سہولت متعارف کرا دی گئی ہے۔

یاد رہے کہ خدمت مراکز پر بےجا رش کے پیش نظر آن لائن سہولت فراہم کرنے کا فیصلہ کیا گیا تھا۔