وزیراعلیٰ سندھ سید مراد علی شاہ نے ناصر حسین شاہ کو ہدایت کی کہ اس سال 1812 جاری اسکیمیں مکمل ہونی چاہئیں۔

 وزیراعلیٰ سندھ سید مراد علی شاہ سے وزیر برائے توانائی اور منصوبہ بندی و ترقی ناصرشاہ کی ملاقات ہوئی۔

ملاقات میں چیئرمین بلاول بھٹو زرداری کی ہدایت پر 5 لاکھ گھروں میں سولر سسٹم دینے کے منصوبے پر گفتگوہوئی۔

وزیراعلیٰ سندھ نے کہا کہ چیئرمین بلاول بھٹو چاہتے ہیں جلد از جلد دو لاکھ سولر پینل کی تقسیم کی جائے۔

اس موقع پر ناصر حسن شاہ نے کہا کہ اعداد و شمار کے مطابق سندھ میں پانچ لاکھ گھر بجلی کے نظام میں شامل نہیں۔

سید مراد علی شاہ نے کہا کہ 5 بلین روپے سولر انرجی کیلئے اس سال کیلئے مختص ہیں۔

وزیراعلیٰ سندھ نے ہدایت دی کہ محکمہ توانائی جلد سولر پینل تقسیم کا منصوبہ منظوری کیلئے بھیجے، جبکہ 5 بلین روپے سولر انرجی کیلئے اس سال کیلئے مختص ہیں۔

سید مراد علی شاہ نے کہا کہ میں چاہتا ہوں پی اینڈ ڈی ان جاری اسکیموں کی انسپیکشن کریں، اور تمام اسکیمن وقت پر بہترین معیار کے ساتھ مکمل چاہئیں۔

سید ناصر شاہ نے کہا کہ جاری اسکیموں کی انسپیکشن کے احکامات جاری کرتا رہتا ہوں، اس کے علاوہ جاری اسکیموں کی انسپیکشن رپورٹ بھی وزیراعلیٰ سندھ سے شیئر کی جائی گی۔