کراچی میں گرمی کی شدت میں اضافے کے ساتھ لوڈ شیڈنگ کا دورانیہ مزید بڑھ گیا ہے۔

شہرقائد کے کئی علاقوں میں 12 سے 14 گھنٹے کی لوڈشیڈنگ کی جارہی ہے، لوڈشیڈنگ کے باعث شہریوں کی زندگی مشکلات سے دوچارہوگئی ہے۔

اذیت ناک گرمی میں بدترین لوڈشیڈنگ سے شہریوں کی پریشانی مزید بڑھ گئی ہے جبکہ بجلی کی لوڈشیڈنگ کے باعث پانی کی شدید قلت کا بھی سامنا ہے۔

شہریوں کے لیے دوہراعذاب، بجلی کے ساتھ پانی بھی غائب۔

لانڈھی، بلدیہ، سائٹ، اورنگی ٹائون، کیماڑی، لیاری، سرجانی ٹاؤن، یوسف گوٹھ اور شانتی گلی سمیت متعدد علاقوں میں بجلی کی لوڈشیڈنگ جاری ہے۔