وزیراعلیٰ پنجاب مریم نواز شریف نے کہا کہ اپنی ٹیم پر فخر ہے، سب نے مل جل کر خوب کام کیا۔

مریم نوازشریف نے پرامن یوم عاشورہ پر الحمدللہ کہتے ہوئے یوم عاشورہ کے انتظامات اور سیکورٹی پر اطمینان کا اظہار کیا۔

وزیراعلیٰ مریم نواز شریف نے صوبائی وزراء کرام، کیبنٹ کمیٹی لا اینڈ آرڈر کو سراہا اور عمدہ انتظامات پرچیف سیکرٹری اوران کی پوری ٹیم، یوم عاشورہ پر شاندار سیکورٹی انتظامات پرآئی جی اور پوری پولیس ٹیم، اس کے علاوہ پنجاب میں پہلی بارحکومت کی طرف سے عزاداروں کے لئے نیاز اور سبیلوں کا اہتمام کرنے پرکمشنر ز، ڈپٹی کمشنرز کو شاباش دی۔

مریم نواز نے مزید یہ بھی کہا کہ انتظامیہ، پولیس اوردیگر تمام اداروں نے ٹیم کی مانند یکجا ہوکر کام کیا، جبکہ یوم عاشورہ پر ڈویژن اور اضلاع میں سیکیورٹی مانیٹرنگ کرنے والے وزرا کرام قابل تحسین ہیں۔