اسٹیٹ بینک آف پاکستان کے مطابق مسلسل سات ماہ تک مثبت رہنے کے بعد کاروباری اعتماد انڈیکس میں منفی رجحان ہے۔  

اسٹیٹ بینک آف پاکستان اور آئی بی اے کے تحت کیے گئے بزنس کانفیڈنس سروے میں کئی انکشافات سامنے آئے ہیں۔

اسٹیٹ بینک کی جانب سے کیے گیے سروے کے مطابق کاروباری اعتماد انڈیکس جولائی میں 7.5 پوائنٹس کی کمی سے 48.6 پر جبکہ صنعتی شعبے کا کاروباری اعتماد انڈیکس 4.7 پوائنٹس کی کمی سے 48.5 پر آگیا ہے۔

مرکزی بینک کے سروے میں بتایا گیا کہ خدمات کے شعبے میں کاروباری اعتماد انڈیکس 8.5 پوائنٹس کی کمی سے 48.6 پر ریکارڈ ہوا جبکہ کرنٹ کاروباری اعتماد انڈیکس جولائی 2024 میں نمایاں طور پر 7.1 پوائنٹس کی کمی سے 46.5 ہو گیا ہے۔

 سروے کے مطابق متوقع کاروباری اعتماد انڈیکس جولائی میں 8 پوائنٹس کم ہوکر 50.6 پر آگیا، جبکہ افراط زر کی توقعات جولائی 2024 میں 13.6 پوائنٹس کے اضافے سے 69.6 ہوگئی ہے، اس کے علاوہ روزگار کا موجودہ انڈیکس 3.3 پوائنٹس کی کمی سے 49.4 تک گرگیا ہے۔