کراچی کے علاقے کارساز میں ہونے والے ٹریفک حادثے کا مقدمہ درج کرکے ملزمہ کی میڈیکل ہسٹری طلب کرلی گئی۔

پولیس حکام کے مطابق کارساز میں ہونے والے    خوفناک  ٹریفک حادثے میں باپ اور بیٹی جاں بحق  جبکہ 4 افراد زخمی ہوئے تھے۔

واقعے  کا مقدمہ  متوفی عارف کے بڑے بھائی امتیاز کی مدعیت میں قتل بالسبب اور خراب ڈرائیور کی دفعات کے تحت بہادر آباد تھانے میں درج   کرلیا گیا۔

مقدمے میں گرفتار خاتون کو آج عدالت میں پیش کیا جائے گا۔

پولیس حکام کا کہنا ہے کہ حادثے کا سبب بننے والی گاڑی کی خاتون ڈرائیور بھی زخمی ہے۔  ملزمہ کو بھی سر پر چوٹ لگی ہے، ملزمہ کا جناح اسپتال میں سی ٹی اسکین کرایا گیا۔

حادثے میں زخمی ہونے والے چار افراد میں سے ایک کی حالت تشویشناک ہے۔

پولیس سرجن کا کہنا ہے کہ ملزمہ نتاشہ کی میڈیکل ہسٹری طلب کرلی گئی ہے اور میڈیکل معائنے کے لیے بلڈ سیمپلز  بھی لے کیے ہیں۔

ابتدائی ایگزامن کے بعد سیمپلز پولیس کے ذریعے لیب بھیجے جائیں گے۔

پولیس سرجن کے مطابق ملزمہ کے شوہر کا کہنا ہے کہ نتاشہ مخصوص دوا لیتی ہے۔