اسلام آباد: قومی ترانہ اور پاکستان نیوی بینڈ کا تاریخی سنگم برقرار ہے۔

یوم آزادی کے موقع پر یاد تازہ کرنے کے لیے پاک بحریہ نے قومی ترانے کی دھن کو نئے انداز سے پیش کردیا۔

پاکستان نیوی بینڈ کو پہلی بار قومی ترانہ ریکارڈ کرنے کا اعزاز حاصل ہے۔

https://www.bolnews.com/urdu/wp-content/uploads/2024/08/WhatsApp-Video-2024-08-14-at-2.15.46-PM.mp4?_=2

انیس سو انچاس میں انڈونیشیا کے صدر اسکرنو کے دورہ کے دوران پاکستان نیوی بینڈ کو پہلی مرتبہ کسی سرکاری تقریب میں قومی ترانہ بجانے کا اعزاز بھی حاصل تھا۔

قومی ترانہ کسی کے بھی جذبات ابھارنے اور انہیں حب الوطنی کے جذبات سے سرشار کرنے کا نام ہے، اس کے الفاظ عام نہیں بلکہ اپنے اندر ملک و قوم کے ماضی، حال اور مستقبل کو اپنے اندر سموئے ہوتے ہیں، جو کہ اپنے اندر جادو اثر رکھتے ہیں، یہ قوموں کو اپنی جان سے زیادہ عزیز ہوتا ہے، یہی وجہ ہے کہ جب قومی ترانہ پڑھا یا اس کی دھن بجائی جاتی ہے تو اعلیٰ اور ادنیٰ سبھی ہاتھ باندھ کر بصد احترام کھڑے ہوجاتے ہیں۔

واضح رہے کہ ملک بھر میں آج 78واں یوم آزادی ملی جوش و جذبے سے منایا جا رہا ہے، اس عزم کی تجدید کے ساتھ کہ ملک کو ایک حقیقی اسلامی فلاحی ریاست بنانے کے لیے تحریک پاکستان کے جذبے سے کام کیا جائے گا۔