فرنس آئل پر چلنے والے پاور پلانٹس کے ساتھ معاہدوں کی تفصیلات بول نیوز کو موصول ہوگئی ہیں۔

فرنس آئل پر چلنے والے پاور پلانٹس کے ساتھ معاہدے کب تک ہیں، اور فی یونٹ کتنے کی پڑ رہی ہے؟

دستاویز کے مطابق ملک میں اس وقت گیارہ پاور پلانٹس فرنس آئل پر ہیں، فرنس آئل کے ذریعے بجلی 35 روپے 76 پیسے سے لے کر 43 روپے 86 پیسے تک فی یونٹ پڑ رہی ہے۔

دستاویز میں بتایا گیا کہ حب پاور پلانٹس اور کوہِ نور انرجی کے معاہدے 2027 تک ہیں، جبکہ لال پیر، پاک جین کے معاہدے 2028 تک، صبا پاور کمپنی کا معاہدہ 2029 تک، اٹک جینریشن پاور کا معاہدہ 2024 تک ہے۔

دستاویز کے مطابق اٹلس، نشاط، نشاط چونیاں کے معاہدے 2035 تک، ناروال انرجی، لبرٹی پاور ٹیک کے معاہدے 2036 تک ہیں۔