متحدہ اپوزیشن اجلاس میں پی ٹی آئی کے ترنول جلسہ منسوخی سے متعلق تحفظات سامنے آگئے ہیں۔

تحریک تحفظ آئین پاکستان کے سربراہ محمود اچکزئی نے اپوزیشن الائنس کا اجلاس کیا جس میں تحریک انصاف کے رہنما شعیب شاہین، اخونزادہ حسین یوسفزئی شریک ہوئے۔

علاوہ ازیں اجلاس میں مجلس وحدت مسلمین کے سربراہ علامہ ناصر عباس بھی شریک ہوئے جب کہ اجلاس میں سنی اتحاد کونسل کے سربراہ حامد رضا کو بھی بلالیا گیا۔

محمود اچکزئی نے اجلاس میں شکوہ کیا کہ پی ٹی آئی نے جلسہ منسوخی سے قبل اعتماد میں نہیں لیا، میرے نام سے عدالت میں درخواست جمع ہے، جلسہ ملتوی کرنے جیسا بڑا فیصلہ کرتے وقت مجھ سے پوچھا تک نہیں گیا۔

دوسری جانب اجلاس کے دوران تحریک انصاف کے رہنما شعیب شاہین محمود خان اچکزئی کو مطمئعن کرنے کی کوشش کرتے رہے۔