اسپیکرپنجاب اسمبلی ملک احمد خان نے کہا کہ حساس معاملات پرسیاست سے گریزکیا جائے۔

اسپیکرپنجاب اسمبلی ملک احمد خان نے میڈیا سے گفتگو کرتے ہوئے کہا کہ فیض حمید کا معاملہ ادارے کا اندرونی معاملہ ہے، خواجہ آصف نے جوبات کی وہ میں نے دونوں پروگراموں میں سنی ہیں، تمام چیزیں شواہد کی بنیادپرہوئیں ہوں گی۔

ملک احمد خان نے کہا کہ جنرل (ر) باجوہ نے کہا، کسی صورت ایکسٹینشن نہیں لوں گا، انہوں نے دورہ امریکا میں ایکسٹینشن نہ لینے کا کہا تھا، اگر ان کی بدنیتی ہوتی توان کے پاس آپشنزموجود تھے۔

ملک احمد خان نے یہ بھی کہا کہ خواجہ آصف بات چیت میں کچھ ملاقاتوں کا ذکرکررہے تھے، انہوں نے ملاقاتوں میں بات چیت سے نتیجہ اخذ کیا، اور جوبات کی اس کا مجھےعلم نہیں، جبکہ خواجہ آصف کے پاس کچھ ایسی باتیں ہیں جس کا میں گواہ نہیں۔