پاکستان سمیت دنیا بھر میں رواں سال کا پہلا نایاب سپر بلیو مون کا نظارہ آج کیا جائے گا۔

ترجمان سپارکو کے مطابق سپر بلیو مون کا نظارہ آج دنیا بھر میں کیا جائے گا، پاکستان میں سپربلیو مون کا نظارہ رات 11 بجکر 26 منٹ پر کیا جائے گا۔

سپر بلیو مون دو الگ الگ فلکیاتی مظاہر کا امتزاج ہیں، سپرمون سے مراد چاند اپنے مدار سے تقریباً 226000 میل کے فاصلے پر آجاتا ہے، اس چاند کا ایک اوسطاً کا مل مہتاب سے 14 فیصد بڑا 30 فیصد زیادہ روشن دکھائی دیتا ہے۔

اس مہینے کا سیزنل سپر بلیو مون اس لیے بھی خاص ہے کیونکہ اس کے بعد ایسا نظارہ دیکھنے کے لیے 2037 تک انتظار کرنا ہوگا۔

واضح رہے کہ یہ رواں سال کا پہلا سپر بلیو مون ہے جبکہ آئندہ تین سپر مون 18 ستمبر، 17 اکتوبر اور 15 نومبر کو ہونگے، بلیو مون سے مراد کسی ایک ہی موسم میں 4 کامل مہتاب کا نظر آنا ہے جو بہت نایاب مظہر ہے۔

19 اگست کا بلیو مون اس سیزن کا تیسرا بلیو مون ہے، بلیو مون بہت نایاب مشاہدے ہوتے ہیں جو 2 سے 3 سال کے دوران ہوتے ہیں، تاہم ایک سپر مون اور بلیو مون کا امتزاج غیر معمولی ہے۔