وزیراعظم شہباز شریف نے ملکی و سیاسی صورتحال پراتحادی جماعتوں سے مشاورت کا فیصلہ کیا ہے۔

 ذرائع کے مطابق وزیراعظم شہباز شریف نے اس حوالے سے آج شام حکومتی اتحادیوں کے ارکان پارلیمنٹ کا اجلاس بلا لیا ہے۔

ذرائع نے بتایا کہ اجلاس میں پاکستان مسلم لیگ ن، پیپلزپارٹی کے ارکان قومی اسمبلی وسینیٹ سمیت ایم کیو ایم پاکستان، استحکام پاکستان پارٹی، نیشنل پارٹی، مسلم لیگ ضیاء کے ارکان شرکت کریں گے۔

ذرائع کے مطابق شہبازشریف اتحادی جماعتوں کے ارکان کو موجودہ سیاسی حالات پراعتماد میں لیں گے، اس کے علاوہ وزیراعظم کی جانب سے قومی اسمبلی اور سینیٹ میں قانون سازی اور سیاسی امور پر بریفنگ ہوگی۔

وزیر اعظم شہباز شریف اجلاس میں تمام ارکان پارلیمنٹ کو سیاسی حکمت عملی پر خصوصی ہدایات جاری کریں گے۔