پشاور: نوجوانوں کو روزگار فراہم کرنے اور بااختیار بنانے کے لئے وزیراعلیٰ خیبرپختونخوا علی امین گنڈاپور کا بڑا اقدام سامنے آگیا۔

نوجوانوں کو برسرِ روزگار کرنے کے لئے 3 بڑے منصوبے تیار کرلیے گئے ہیں جب کہ احساس روزگار، احساس ہنر اور احساس نوجوان روزگار پروگرامز کی تیاریاں مکمل کرلی گئی ہیں۔

وزیراعلیٰ خیبرپختونخوا علی امین گنڈاپور نے محکموں کو مفاہمت کی یاد داشتیں جلد طے کرنے کی ہدایت کردی ہے، احساس نوجوان روزگار اسکیم کے تحت 10 ملین روپے تک لون فراہم کیے جائیں گے۔

احساس روزگار اسکیم کے تحت 2 لاکھ روپے تک کا بلاسود قرضہ مہیا کیا جائے گا، احساس روزگار اسکیم میں نیا کاروبار شروع کرنے کے لئے قرضہ فراہم کیا جائے گا۔

احساس ہنر پروگرام کے تحت 5 لاکھ روپے تک بلاسود قرضے دیے جائیں گے، ہنرمند نوجوانوں کو کاروبار شروع کرنے کے لئے قرضے فراہم کیے جائیں گے۔

احساس اپنا گھر پروگرام پر بھی پیشرفت کا جائزہ لیا گیا ہے، پروگرام کے تحت مستحق خاندانوں کو مکان کی تعمیر کے لئے قرضہ دیا جائے گا جب کہ مستحق خاندانوں کو مکان کی تعمیر کے لئے 15 لاکھ روپے تک قرضہ فراہم کیا جائے گا۔