اسلام آباد: پاکستان بھر میں آج اقلیتوں کا قومی دن منایا جارہا ہے، یہ دن قائد اعظم کی 11 اگست 1947 کی تاریخ ساز تقریر کی یاد اور ان کے افکار کی روشنی میں منایا جاتا ہے۔

پاکستان اقلیتوں کے حوالے سے ایسا ملک ہے جہاں پر مسلمانوں کے ساتھ رہنے والی تمام اقلیتوں کو آئین کے تحت برابری کے حقوق حاصل ہیں۔

پاکستان کی تعمیر و ترقی میں اقلیتی برادری کا بھی کلیدی کردار رہا ہے جس میں مرد و خواتین نے مختلف شعبہ ہائے زندگی میں اپنی پیشہ ورانہ صلاحیتوں کا لوہا منوایا ہے۔

پاکستان کی مسلح افواج میں بھی اقلیتی برادری کی بڑی تعداد وطن عزیز کے دفاع کا فریضہ انجام دے رہی ہیں۔

پاکستان میں اقلیتوں کا مثبت کردار اس بات کا ثبوت ہے کہ ”پاکستان میں مذہبی، لسانی اور صنفی امتیاز سے بالاتر ہو کر فیصلے کیے جاتے ہیں“۔

پاکستان میں اقلیتوں کیلئے بھی ترقی کا وہی معیار ہے جو مسلمانوں کیلئے ہے۔حکومت پاکستان اقلیتوں کی فلاح و بہبو د کے لئے مسلسل کوشاں اور سرگرم عمل ہے۔

پاکستان میں بسنے والی اقلتیں  ہمیشہ کی طرح مستقبل میں بھی ملکی تعمیر و ترقی میں اہم کردار ادا کرتی رہیں گی۔