مہنگائی اور اوور بلنگ کے خلاف راولپنڈی میں جماعت اسلامی کا دھرنا ساتویں روز میں داخل ہوگیا ہے۔

امیرجماعت اسلامی حافظ نعیم الرحمن گیارہ بجے کے قریب میڈیا سے گفتگو کریں گے، جس میں امیر جماعت اسلامی  کی جانب سے اگلا لائحہ عمل کا اعلان کیا جائے گا۔

راولپنڈی میں موسلا دھار بارش کا سلسلہ جاری ہے جس کی وجہ دھرنے کے پنڈال میں پانی جمع ہوگیا، تاہم صفائی کا عمل جاری ہے۔

بارش کے باعث کارکنان نے رات میٹرو شیڈ، سڑھیوں پر گزاری جبکہ رات گئے جماعت اسلامی کے کارکنان کے تین موبائل فونز چوری ہوگئے۔

کارکنان نے موبائل کی چوری کے حوالے سے کہا کہ رات کو سوئے ہوئے تھے کہ نامعلوم افراد موبائل فونز لے اڑے، اس کے علاوہ کارکنان نے پنڈال میں نماز فجر بھی ادا کی۔

محکمہ موسمیات کے مطابق بارشوں کا سلسلہ 6 اگست تک جاری رہے گا، راولپنڈی کی مختلف سڑکوں پر پانی جمع ہوگیا اور سڑکیں تالاب کا منظر پیش کرنے لگیں ہیں۔