گورنرسندھ کامران ٹیسوری نے کہا کہ ارشد ندیم نے قوم کا سرفخرسے بلند کردیا ہے۔

گورنرسندھ کامران ٹیسوری نے ارشد ندیم کے ہمراہ نیوزکانفرنس کرتے ہوئے کہا کہ کل کے جشن میں عوام کا جم غفیرتھا، عوام ارشد ندیم کی ایک جھلک دیکھنے کو بے چین تھے، ارشد ندیم نے پاکستان کوعزت دلائی، شکرگزارہیں۔

گورنرسندھ نے کہا کہ ارشد ندیم کوعوام نے محبت پیار، عزت سے نوازا، جبکہ بزنس مینوں نے کیش دیا، اپارٹمنٹ اوردیگرپلاٹ کےاعلانات کیے، اس کے علا وہ سوشل میڈیا کے ذریعے پورے سندھ سے ہزاروں لوگوں نے میسجزکیے۔

گورنرسندھ نے پریس کانفرنس کے دوران یہ بھی کہا کہ ارشد ندیم کو10 کروڑروپے مالیت کی اشیا بھی دی جائیں گی، سندھ حکومت کی جانب سےارشد ندیم کو5 کروڑ دیئے جائیں گے۔

دوسری جانب ارشد ندیم نے بھی پریس کانفرنس کے دوران کہا کہ قوم کی دعاؤں سے پیرس اولمپکس میں گولڈ میڈل جیتا، وزیراعلیٰ پنجاب، وزیراعظم نے بہت عزت دی، گورنرسندھ نے میرے میڈل سے بڑھ کرمجھےعزت دی، کراچی کےعوام کے پیارکے لیے میرے پاس الفاظ نہیں، خوشی ہے کہ پورا پاکستان عزت دے رہاہے۔

ارشدندیم نے یہ بھی کہا کہ اولمپکس میں کامیابی پراللہ کاشکرگزارہوں، آئندہ مقابلوں میں بھی پاکستان کا نام روشن کروں گا، میری طرف سے بچوں کے لیے 100 لیپ ٹاپس گفٹس ہیں، پہلی تھروپررن اپ کی ایڈجسٹمنٹ بہترنہیں ہوئی تھی، تاہم اس گیم میں لمبے قد کا بہت کردارہوتا ہے۔