وفاقی حکومت نے ملازمین کی ریٹائرمنٹ کے بعدپینشنرز کیلئے نئی ترامیم متعارف کروادیں۔

تفصیلات کے مطابق  وفاقی حکومت نے وفاقی ملازمین کے پینشن رولز میں تین اہم ترامیم کردیں،پے اینڈ پینشن کمیشن2020کی سفارشات پر ترامیم کا نوٹیفکیشن بھی جاری کردیا گیا۔

اہل فیملی ممبرز کو پینشن کی مدت کو زیادہ سے زیادہ 10 سال تک محدود کردیاگیا۔شریک حیات کی وفات یا اہل نہ ہونے کی صورت میں مدت کو محدود کیا گیا۔

متوفی پینشنر کا کوئی بچہ معذور ہو گا تو اسے تاحیات پینشن ملے گی۔ اہل بچے کی صورت میں فیملی پینشن 10 سال تک یا بچے کی عمر 21سال ہونے تک ملے گی۔

پینشن لینے والی شریک حیات کی وفات یا اہل نہ رہنے کی صورت میں فیملی ممبرز کو 25سال تک پینشن ملے گی۔اگر پینشنر کا بچہ یا بچی معذور ہواتو یہ پینشن تاحیات ہو گی۔

آرمڈ فورسز اور سول آرمڈ فورسز کی پینشن کی شرح میں 50 فیصد کا اضافہ کردیا گیا۔آرمڈ فورسز اور سول آرمڈ فورسز کی پینشن اہل وارثوں کو ٹر انسفر کی جاسکے گی۔

رضاکارانہ ریٹائر نٹ لینے والے ملازمین کو پینالٹی لگے گی۔کوئی ملازم 25 سال سروس کے بعد رضاکارانہ طور پر ریٹائرمنٹ لے گا  تو اسے کٹوتی کا سامنا کرنا پڑے گا۔پینشن کی کٹوتی 3 فیصد کی شرح سے ہوگی، اطلاق ریٹائرمنٹ کی تاریخ سے ہو گا۔

60 سال کی عمر تک کی باقی رہ جانے والی سروس پر ماہانہ گراس پینشن پر 3 فیصد کٹوتی کی جائے گی۔

خزانہ ڈویژن کا کہنا ہے کہ وزارتوں اور ڈویژنوں  کو نئی ترامیم پر عملدرآ کیلئے او ایم بھیج دیاگیا ہے۔