آج 12 ربیع الاول کو  عید میلاد النبی ﷺ  کے موقع پر پاکستان سمیت دنیا کے کونے کونے میں جشن منایا جارہا ہے۔

دنیا بھر میں رحمت اللعالمین، خاتم النبین، نبی کریم حضرت محمد ﷺکی ولادت کا جشن آج مذہبی عقیدت و احترام سے منایا جارہا ہے۔

گلی کوچوں کو برقی قمقموں سے سجایا گیا ہے ، مساجد، بلند عمارتوں، بازاروں اور چوراہوں پر سبز پرچموں  کی بہار اور چراغاں کیا گیا ہے۔

جشنِ عید میلاد النبیﷺ کے موقع پر درود و سلام کی محفلیں سجاکر آقائے دو جہاں سے محبت کا اظہار کیا جارہا ہے۔

آج عید میلادالنبی ﷺ پر دن کا آغاز نماز فجر کے بعد وفاقی دارالحکومت میں 31 اور صوبائی دارالحکومتوں میں 21-21 توپوں کی سلامی سے کیا گیا۔

اس کے علاوہ برطانیہ، اسکاٹ لینڈ، امریکہ، ملیشیا ، یمن، مراکش سمیت  دنیا کے بیشتر ممالک  کے  مختلف شہروں میں محافل  کا اہتمام کیا گیا۔

غزہ کےمظلوموں  نے بھی آقاکریمﷺکی آمد پر جشن منانے کے لیے ٹوٹےپھوٹےگھروں اورخیموں میں محافل سجائیں۔