اسلام آباد: ترجمان وزارت صحت کے مطابق پاکستان میں ایم پاکس کا چھٹا کیس رپورٹ ہوا ہے۔

ترجمان وزارت صحت کا کہنا ہے کہ بارڈر ہیلتھ سروسز کے عملے نے اسلام آباد ایئرپورٹ پر اسکریننگ کے دوران پکڑا، 44 سالہ شخص کے سفر کی ہسٹری خلیجی ممالک کی ہے۔

ترجمان وزارت صحت نے بتایا کہ مریض پمز اسپتال کے آئیسولیشن وارڈ میں داخل ہے اور تندرست ہے۔

 وزیراعظم کے کوآرڈینیٹر برائے صحت ڈاکٹر مختار بھرتھ کہتے ہیں کہ اسلام آباد ایئرپورٹ پر بارڈر ہیلتھ سروسز کا عملہ موثر اسکریننگ کے نظام کو یقینی بنا رہا ہے۔

ڈاکٹر مختار بھرتھ نے بتایا کہ ایئرپورٹس پر چھ لاکھ تیس ہزار مسافروں کی اسکریننگ کی ہے، وزارت صحت صورتحال کی مانیٹرنگ کو یقینی بنارہی ہے۔

ڈاکٹر مختار بھرتھ نے کہا کہ عوام کو ایم پاکس سے محفوظ سے محفوظ بنانے کے لیے موثر اقدامات کیے جارہے ہیں۔

 وزیراعظم کے کوآرڈینیٹر برائے صحت مزید کہتے ہیں کہ وفاق اور صوبائی حکومتیں ایم پاکس سے نمٹنے کے لیے تمام تر اقدامات اور وسائل کو بروئے کار لا رہی ہیں۔