اسلام آباد: مخصوص نشستوں سے متعلق سپریم کورٹ کی وضاحت پر الیکشن کمیشن نے اجلاس طلب کرلیا۔

ذرائع کے مطابق سپریم کورٹ کے تفصیلی فیصلے کے بعد اسپیشل سیکرٹری لاء چھٹی کے باوجود اپنے دفتر پہنچ گئے ہیں۔

ذرائع کا کہنا ہے کہ الیکشن کمیشن کا اہم اجلاس پیر کو طلب کرلیا گیا ہے، اجلاس میں سپریم کورٹ کی وضاحت کا جائزہ لیا جائے گا جب کہ اجلاس میں قانونی ٹیم بریفنگ دے گی۔

ذرائع الیکشن کمیشن نے کہا کہ یہ تاثر درست نہیں ہے کہ الیکشن کمیشن نے بیرسٹر گوہر کو پی ٹی آئی کے چیئرمین کے طور پر تسلیم کیا ہے۔

ان کا کہنا تھا کہ پی ٹی آئی کے انٹرا پارٹی الیکشن کا معاملہ ابھی تک الیکشن کمیشن میں زیر غور ہے، اس پر کوئی حتمی فیصلہ نہیں کیا گیا۔

ذرائع نے مزید کہا کہ الیکشن کمیشن نے ہمیشہ اس معاملے کو جلد از جلد نمٹانے کی کوشش کی ہے جب کہ پی ٹی آئی نے بار بار تاخیری حربے استعمال کیے۔