کے الیکٹرک کے  سی ای او مونس علوی  نے حکومت کو دھمکی دے دی۔

تفصیلات کے مطابق  سندھ اسمبلی کی خصوصی کمیٹی کے اجلاس میں ممبران اور سی ای او کے الیکٹرک مونس علوی نے شرکت کی۔

مونس علوی  نے اجلاس میں جارحانہ انداز اپناتے ہوئے حکومت کو دھمکی دی  کہ ہمارا لائسنس منسوخ کرکے حکومت خود بجلی سپلائی کرے۔

سی ای او کے الیکٹرک نے کہا کہ لوڈ شیڈنگ کے ہم ذمہ دار ہیں لیکن  بجلی کے ریٹ ہم طے نہیں کرتے۔

کمیٹی ممبر شبیر قریشی نے کہا کہ آپ لوگ لوڈ شیڈنگ کرتے ہیں اور اس پر بجلی چوری کا  جواز پیش کرتے ہیں، آپ کے پاس ادارے موجود ہیں بجلی چوری کو روکیں۔

شبیر قریشی نے مزید کہا کہ آپ جوابدہ ہی نہیں ہوتے کسی کو اور بجلی چوری کا بوجھ بھی عوام پر ڈال دیتے ہیں۔

کمیٹی ممبر سلیم بلوچ نے کہا کہ اگر ایک پی ایم ٹی پر سو میں سے چالیس لوگ بل نہیں بھرتے تو باقی ساٹھ کو اس کی سزا کیوں دی جاتی ہے۔

انہوں نے تجویز پیش کی کہ واٹر پمپس کو لوڈ شیڈنگ سے مستثنیٰ قرار دیا جائے تاکہ پانی کی سپلائی نا رکے۔