متحدہ قومی موومنٹ پاکستان نے مطالبہ کیا ہے کہ  وفاق این ایف سی ایوارڈ صوبے کے وزیر اعلیٰ کے بجائے براہ راست مقامی حکومتوں کو دے۔

اسلام آباد میں پارلیمنٹ ہاؤس کے باہر  متحدہ قومی موومنٹ پاکستان کے سینئر رہنما سید مصطفیٰ کمال اور فاروق ستار  نے دیگراراکین قومی اسمبلی کے ہمراہ میڈیا سے گفتگو کی۔

مصطفیٰ کمال نے کہا کہ  براہ راست مقامی حکومتوں کو این ایف سی ایوارڈ منتقل ہونے پر گلی محلوں میں  ترقیاتی منصوبوں سے لوگ مستفید ہوں گے۔

انہوں نے کہا کہ   آج پورے پاکستان کو خوشخبری دے رہے ہیں کہ  ہم اپنے منشور کے مطابق اختیارات کو نچلی سطح تک منتقلی کو عملی جامہ پہنا رہے ہیں۔

ایم کیو ایم پاکستان کے رہنما نے کہا کہ   لوکل حکومت کو گراس روٹ لیول پر لے جانے کے معاملے پر ایم کیو ایم  پاکستان کے ارکان پارلیمنٹ  کے دستخط سے آئینی ترمیم جمع کروائی ہے۔

اس ترمیم کا مسودہ سیکریٹری آفس میں جمع  کرایا گیا ہے جس میں   تین نکات تجویز کئے گئے ہیں۔

مصطفیٰ کمال نے کہا کہ اختیارات  وفاق سے صوبےمیں گئے جو وزیر اعلیٰ تک محدود رہ گئے عوام تک نہین پہنچے۔ عوام کے جڑے تمام شعبے مقامی حکومتوں کے اختیار میں دی دیے جائیں۔

ان کا مزید کہنا تھا کہ این ایف سی 7 ہزار 600  ارب ہے۔3600 ارب  روپے پنجاب اور وزیر اعلیٰ سندھ کو 18 سو ارب  روپے ملے۔