چیئرمین سینٹ یوسف رضا گیلانی نے کہا ہے کہ پاکستان کی فارما کمپنیوں نے پاکستان کا دنیا میں بہترین نام بنایا۔

یوسف رضا گیلانی نے ساتویں پاکستان فارما سمٹ اینڈ ایوارڈز سے خطاب کرتے ہوئے کہا کہ فارما سوٹیکل انڈسٹری نے کرونا میں بھی بہترین کام کیا تھا، پاکستان میں فارما سوٹیکل کمپنیوں نے پاکستان کو معاشی طور پر بہت فائدہ پہنچایا۔

انہوں نے کہا کہ پاکستان کی فارما کمپنیوں نے پاکستان کا دنیا میں بہترین نام بنایا، فارما سیوٹیکل انڈسٹری پاکستان میں بہت چھوٹی ہے لیکن یہ گلوبل دنیا سے بہتر ایکسپورٹ کر رہی ہے۔

ان کا کہنا تھا کہ پاکستان کی فارما سیوٹیکل کمپنیاں دیگر پراڈکٹس بھی بنا رہی ہیں، پاکستانی معیشت میں فارما سیوٹیکل کا بہت اہم کردار ہے، ہمیں جدت اور پارٹنرشپ میں انویسٹ کرنے کی ضرورت ہے۔

یوسف رضا گیلانی نے کہا کہ ہمیں ہماری پروڈکشن کیپیسٹی کو وسعت دینا ہوگی، لوکل منرلز کے ذریعے ادویات کو بنا کر ایکسپورٹ کو بڑھایا جا سکتا ہے، حکومت اور پارلیمنٹ اس حوالے سے فارما سیوٹیکل انڈسٹری کے ساتھ ہے۔

چیئرمین سینٹ کا مزید کہنا تھا کہ فارما سیوٹیکل انڈسٹری نے نا صرف ادویات اور شعبہ صحت میں بلکہ پاکستان کو بھی اسپورٹ کیا ہے، پاکستان کی ترقی کے لئے شعبہ صحت اور فارما سیوٹیکل انڈسٹری کو فروغ دینا ہوگا۔